A AMEGA asinou en Barcelona o Manifesto do Día da Prensa Comarcal
Este pasado venres 14 celebrouse no Auditorio da Facultade de Comunicación e Relacións Internacionais Blanquerna-URL de Barcelona, a duodécima edición do Día da Prensa Comarcal. Unha cita á que non quixeron faltar, como invitados, os representantes da Asociación de Medios en Galego. O presidente Pablo García (de Radio Estrada) e o vicepresidente Henrique Sanfiz (Radio Fene e Radiofusión Rede de Emisoras Municipais Galegas) estiveron presentes no acto e asinaron o manifesto preparando entre diferentes entidades.
A xornada serviu de punto de encontro para profesionais do sector da comunicación de todo o país, que ademais, este ano convocou a varias asociacións xornalísticas de todo o Estado como a Asociación de Medios en Galego, a Asociación da Prensa Comarcal Valenciana, a Asociación de Medios Dixitais da Comunidade Valenciana, a Asociación de Prensa Foránea de Mallorca, a Asociación de Prensa Local de Menorca, Toki Komunikabideen Bateragunea e a Rede de Periodistas Rurales.
Houbo diversas ponencias sobre IA e sobre modelos de negocio nas que os nosos representantes puxeron diferentes exemplos do noso país.
Ademais, a entidade aproveitou para manter reunión con outras entidades para buscar colaboracións.
